<%@LANGUAGE="VBSCRIPT" CODEPAGE="1252"%> خه‌وی ئه‌رخه‌وانیی خۆشخه‌یالێک ‌

<%response.write(time())%>
<%response.write(date())%>

 

به‌ندی عه‌لی .. مارسی 2010
 

والی


 

ووتیان ، ئه‌گه‌ر

شایه‌تمان هه‌ق به‌نووری

ماهی تابانی ڕوخساری

ئه‌و نه‌هێنێ

قامکی خورمامژه‌ت ده‌بڕێ

ووتیان ، ئه‌گه‌ر

وه‌کو بولبولێکی شه‌یدا

به‌ڕۆژو شه‌و

بۆ چاوه‌ هه‌نگوینیه‌کانی

ئه‌و نه‌خوێنی

زارت ده‌کات به‌ئیسفنج و

له‌سه‌ر ته‌خته‌ی ڕه‌شی گه‌ردوون

دوایین ووشه‌ی ناوت ده‌سڕێ

ووتیان ، ئه‌گه‌ر

له‌جیاتی تاج ، نه‌ی که‌یته‌سه‌ر

له‌بری پۆشاک ، نه‌ی که‌یته‌به‌ر

له‌شوێن جامانه‌ ، نه‌ی به‌ستی

له‌جێی گۆچان ، نه‌چیه‌ ده‌ستی

وه‌کو خوداش ، نه‌ی په‌رستی

دوو بیلبیله‌ی چاوه‌کانت

ده‌کات به‌دوو ده‌نکه‌ هه‌ڵمات

له‌سه‌ر وه‌ختی بێزاریاو

بۆ سوکنایی ڕوحی په‌ستی

تیل تیلێنیان پێوه‌ ده‌کات

ووتیان ، ئه‌گه‌ر

ووتم ، نه‌خێر

عه‌یامی گورگانه‌شه‌وێ و

شه‌وله‌بان و

حوچه‌که‌ی بن فه‌له‌ک .. گوزه‌شت

من ئه‌و که‌سه‌م پێ ڕه‌وایه‌

بیابانی

ووشک و ڕووته‌ڵی نیشتیمان

ده‌کات به‌گوڵزاری به‌هه‌شت

نه‌ک ئه‌و نیگار کێشه‌ په‌سته‌ی

به‌فڵچه‌ی میزاجی خه‌سته‌ی

تابلۆی ژیان

پڕاوپڕکا له‌چاوی سوور

له‌هێڵی سوور

له‌مه‌ودای ترسی بێ سنوور

 

 

به‌ندی عه‌لی ..
 

مافي ئةم ساييتة ثارصزراوة بؤ ئاراس©2006