به‌ندی عه‌لی .‌

<%@LANGUAGE="VBSCRIPT" CODEPAGE="1252"%> به‌ندی عه‌لی .‌


	<%response.write(time())%>	<%response.write(date())%>

قه‌زاو قه‌ده‌ر

چه‌ند بێ شه‌رمی تۆ ئه‌ی قه‌ده‌ر

گوڵ ئه‌که‌ی به‌هاوسێی دڕک و

کۆتر به‌هاوزمانی داڵ

نیچیر به‌هاوخوێنی ڕاوچی و

ڕێویش به‌ڕێزانی سه‌فه‌ر

چه‌ند بێ ئابڕوی تۆش ئه‌ی قه‌زا

هه‌رچی قه‌له‌ڕه‌شکه‌ هه‌یه‌

له‌ئێمه‌ت کردن به‌په‌ری و

هه‌رچی جاڵجاڵۆکه‌ هه‌یه‌ به‌په‌پووله‌و

شه‌مشه‌مه‌کوێره‌ش به‌ته‌ته‌ر

باڕه‌شێکی دڵ قه‌قنه‌سی

گوڵه‌ مێخه‌کێکی وه‌راند

ووتی ئاخر ڕه‌نگ و بۆنی

ته‌واو هه‌راسانم ئه‌که‌ن

چیم له‌ده‌ست دێ ته‌بعم وایه‌

چه‌خماخه‌یه‌ک

دڵی هه‌نگێکی خنجیله‌ی کرده‌ نیشان

ووتی چ بکه‌م کاری خوایه‌

قولاپێکی ژه‌نگاویی چروکی نۆکه‌ر

له‌سنگی ماسیه‌ک چه‌قی

بێ شه‌رمانه‌ هاواری کرد

ئه‌وی ڕویدا .. چیتر نه‌بوو

غه‌یری کاری قه‌زاو قه‌ده‌ر

به‌ندی عه‌لی .. 2012