هه‌واله‌کان‌

<%@LANGUAGE="VBSCRIPT" CODEPAGE="1252"%> هه‌واله‌کان‌


	<%response.write(time())%>	<%response.write(date())%> !...ڕوانگه‌ ماڵپه‌ڕێکی هه‌مه‌چه‌شنه‌ی سه‌ربه‌خۆ و ئازاده‌ ،ئاماده‌یه‌ بۆ بڵاوکردنه‌وه‌ی هه‌موو بابتێک به‌مه‌‌رجێک پابه‌ندی پرێنسیپه‌کانی بڵاوکردنه‌وه‌ی ئه‌م ماڵپه‌ڕه‌ بێت. تکایه‌ له‌ ڕێگه‌ی ئیمه‌یله‌وه‌ بابه‌ته‌کانی خۆتان ڕه‌وانه‌بکه‌ن و ڕوانگه‌ ده‌وڵه‌مه‌ندبکه‌ن

ژووری هه‌وال / داركۆ سعید

تازه‌ کراوه‌ته‌وه‌ له‌ ڕۆژی11/ 6/ 2010

&&&&&&&&&&&&&&&&&&&&&&&&&&&&&&

پیلانێكی داڕژێراو بۆ كوشتنی ئه‌یاد عه‌لاوی ئاشكرا كرا

رۆژنامه‌ی شه‌رقولئه‌وست له‌سه‌ر زاری چه‌ند سه‌رچاوه‌یه‌ك پیلانی كوشتنی سه‌رۆكی لیستی ئه‌لعێراقییه‌ (ئه‌یاد عه‌لاوی) ئاشكرا كرد. سه‌رچاوه‌ ئه‌منییه‌ عێراقی و عه‌ره‌بی ئاست به‌رز بۆ رۆژنامه‌ی شه‌رقولئه‌وست پیلانێكی تۆكمه‌ی دارێژراوی بۆ كوشتنی سه‌رۆكی لیستی ئه‌لعێراقییه‌ (ئه‌یاد عه‌لاوی) ئاشكرا كرد كه‌ چه‌ند لایه‌نێكی عێراقی به‌ پاڵپشتی هه‌رێمی ده‌ستیان له‌م پیلانه‌دا هه‌یه‌.به‌پێی سه‌رچاوه‌كان ده‌زگای هه‌واڵگری عێراق له‌گه‌ڵ چه‌ند لایه‌نێكی هه‌واڵگری وڵاتانی عه‌ره‌بی دراوسێی عێراق به‌دواداچوونیان بۆ پیلانی كوشتنی عه‌لاوی كردووه‌، به‌ جۆرێك له‌ڕووی چۆنییه‌تی ئه‌نجامدانی پیلانه‌كه‌ و ژماره‌ی ئه‌و كه‌س و چه‌كانه‌ی كه‌ بڕیاره‌ له‌ پیلانه‌كه‌دا به‌كار بهنێدرێت، هه‌روه‌ها هێزه‌ ئه‌مه‌ریكاییه‌كانیش زانیاری له‌مباره‌وه‌ داوه‌ و هاوكاریش بووه‌ بۆ ئاشكراكردنی ئه‌م پیلانه‌.بۆ پشتی راستكردنه‌وه‌ی ئه‌م پیلانه‌ سه‌رچاوه‌یه‌كی ئه‌منی نزیك له‌ (ئه‌یاد عه‌لاوی) كه‌ نه‌ویویستووه‌ ئاماژه‌ به‌ناوی بدرێت رایگه‌یاندووه‌ كه‌ به‌پێی زانیارییه‌ هه‌واڵگرییه‌كان بڕیار بووه‌ ئه‌م پیلانه‌ له‌كاتی ده‌ست به‌كاربوونی ئه‌یاد عه‌لاوی بۆ پێكهێنانی حكومه‌تی داهاتوو جێبه‌جێ بكرێت، بۆ ئه‌م مه‌به‌سته‌ش ئێستا رێوشوێنی توند گیراوته‌ به‌ر بۆ پاراستنی سه‌لامه‌تی ژیانی ئه‌یاد عه‌ولای

&&&&&&&&&&&&&&&&&&&&&&&&&&&&&&

یه‌كه‌م دانیشتن له‌ نێوان لیسته‌كانی ئه‌یاد عه‌لاوی و نوری مالیكی سازكرا

ئه‌مڕۆ (هه‌ینی) له‌ شاری به‌غداد، یه‌كه‌م دانیشتنی فه‌رمی نێوان لیستی ئه‌لعێراقیه‌ به‌ سه‌ركردایه‌تی ئه‌یاد عه‌لاوی و ئیئتیلافی ده‌وڵه‌تی یاسا به‌ سه‌ركردایه‌تی نوری مالیكی، ده‌ستی پێكرد، كه‌ شاندی ئه‌لعێراقیه‌ له‌لایه‌ن (رافع عیساوی) سه‌رۆكایه‌تی ده‌كرا و شاندی دانوستانكاری ده‌وڵه‌تی یاسا له‌لایه‌ن (شێخ خالید عه‌تییه‌).كۆبونه‌وه‌كه‌ له‌ باره‌گای حیزبی ده‌عوه‌ی ئیسلامی سازكرا و له‌ كۆنگره‌یه‌كی رۆژنامه‌وانیدا، رافع عیساوی رایگه‌یاند: ده‌بوایه‌ كۆبونه‌وه‌ی له‌م شێوه‌یه‌ پێشتر ئه‌نجام بدرایه‌ له‌ پێناوی دۆزینه‌وه‌ی رێگه‌چاره‌ی گونجاو بۆ بابه‌ته‌ هه‌ڵپه‌سێردراوه‌كان بۆ پێكهێنانی حكومه‌ت.له‌لای خۆشیه‌وه‌ خالید عه‌تییه‌، گه‌شبینی خۆی نیشاندا بۆ نزیكبونه‌وه‌ی هه‌ر دو لیستی (ده‌وڵه‌تی یاسا و ئه‌لعێراقیه‌) بۆ پێكهێنانی فراكسیۆنێكی په‌رله‌مانی گه‌وره‌ و وتی: "ده‌بێت ئه‌م جۆره‌ به‌یه‌كگه‌یشتنانه‌ زۆر به‌ راشكاوانه‌ و رون و ئاشكرا و شه‌فافه‌ ئه‌نجام بدرێت بۆئه‌وه‌ی هیوایه‌ك ببه‌خشێت بۆ گه‌یشتن به‌ چاره‌سه‌رێك كه‌ هه‌مو لایه‌ك قایل بكات".
ئه‌م كۆبونه‌وه‌یه‌ی نێوان هه‌ردو لیسته‌كه‌، پاش كۆمه‌ڵێك شكست هات بۆ لیك نزیككردنه‌وه‌ی هه‌ردو لیسته‌كه‌ و دروستكردنی فراكسیۆنێكی په‌رله‌مانی گه‌وره‌ و پێكهێنانی حكومه‌تی ئاینده‌ی عێراق.به‌پێی ئه‌نجامه‌كانی كۆمیسیۆنی باڵای سه‌ربه‌خۆی هه‌ڵبژاردنه‌كان له‌ عێراق، له‌ هه‌ڵبژاردنی ئه‌نجومه‌نی نوێنه‌رانی عێراقدا، لیستی ئه‌لعێراقیه‌ به‌ 91 كورسی پله‌ی یه‌كه‌می به‌ده‌ستهێنا و ئیئتیلافی ده‌وڵه‌تی یاسا به‌ 89 كورسی پله‌ی دوه‌می به‌ده‌ستهێنا و له‌ پله‌ی سێیه‌مدا ئیئتیلافی نیشتمانی عێراق 70 كورسی به‌ده‌ستهێنا.

&&&&&&&&&&&&&&&&&&&&&&&&&&&&&&&&&&

دوو ئه‌ندامی‌ هێزه‌كانی‌ سه‌حوه‌ ده‌كوژرێن

له‌ رۆژئاوای‌ شاری‌ كه‌ركوك په‌لاماری‌ بازگه‌یه‌كی‌ هێزه‌كانی‌ سه‌حوه‌ ده‌درێت‌و دوو كوژراوو برینداری‌ لێده‌كه‌وێته‌وه‌و هێزه‌كانی‌ پۆلیسی‌ كه‌ركوكیش داواكراوێك ده‌ستگیر ده‌كه‌نگروپێكی‌ چه‌كدار هێرشیان كردۆته‌ سه‌ر خاڵێكی‌ پشكنینی‌ سه‌ر به‌ هێزه‌كانی‌ سه‌حوه‌، له‌ناحیه‌ی‌ زاب له‌ 110 كیلۆمه‌تری‌ رۆژئاوای‌ كه‌ركوك‌و به‌و هۆیه‌وه‌ دوو چه‌كداری‌ سه‌حوه‌ كوژراون‌و دوانی‌ تریش برینداربوون.سه‌رچاوه‌كه‌ رونیكرده‌وه‌ دوو كوژراوه‌كه‌ ناویان یاسر حه‌مه‌د خه‌ڵه‌ف‌و سه‌عدون شاكر مه‌حموده‌. هه‌ردوو برینداره‌كه‌ش ده‌سبه‌جێ‌ گه‌یه‌نراونه‌ته‌ نه‌خۆشخانه‌.له‌لایه‌كی‌ دیكه‌وه‌، هێزێكی‌ هاوبه‌شی‌ پۆلیسی‌ قه‌زاو ناحیه‌كانی‌ كه‌ركوك‌و بنكه‌ی‌ پۆلیسی‌ تركه‌ڵان، له‌ بازگه‌ی‌ كه‌ركوك – حه‌ویجه‌ له‌ 55 كیلۆمه‌تری‌ رۆژئاوای‌ كه‌ركوك، داواكراوێكیان به‌پێی‌ مادده‌ی‌ 4ی‌ تیرۆر ده‌ستگیركرد. پاش ده‌ستگیركردنیشی‌، راده‌ستی‌ به‌ڕێوه‌به‌رایه‌تی‌ لێكۆڵینه‌وه‌ی‌ تاوانه‌كان كرا، بۆ ئه‌نجامدانی‌ لێكۆڵینه‌وه‌ له‌گه‌ڵیدا

&&&&&&&&&&&&&&&&&&&&&&&&&&&&&&&&&&

په‌رله‌مانی كوردستان له‌ باره‌ی ده‌ستدرێژه‌كانی ئێران یاداشێتكی ئاراسته‌ی كۆمه‌ڵگه‌ی نێوده‌وڵه‌تی كرد

ئه‌مه‌ش ده‌قه‌كه‌یه‌تی:
هه‌ڵوێستی په‌رله‌مانی كوردستان كه‌ به‌كۆی ده‌نگ له‌ دانیشتنی نائاسایی رۆژی 8/6 ده‌ری برِیوه‌، سه‌باره‌ت به‌بۆردومانی ناوچه‌ سنووریه‌كانی له‌لایه‌ن هێزه‌كانی كۆماری ئیسلامی ئێران خۆشحاڵین به‌ناوی په‌رله‌مانی كوردستان-عێراق -ه‌وه‌، گه‌رمترین سڵاوتان ئاراسته‌ بكه‌ین و له‌باره‌ی ئه‌و هه‌ڵوێسته‌ی په‌رله‌مانی كوردستان ئاگاداراتان بكه‌ینه‌وه‌ كه‌ به‌كۆی ده‌نگ له‌ دانیشتنی نائاسایی رۆژی 8/6/2010 دا ده‌ری برِیوه‌، سه‌باره‌ت به‌ هه‌ڵوێستی ده‌رباره‌ی ئه‌و هه‌رِه‌شانه‌ی كه‌ دووچاری ئاسایش و سه‌قامگیری نێوده‌وڵه‌تی بۆته‌وه‌، له‌ئاكامی بۆردومانی ناوچه‌ سنووریه‌كانی هه‌رێمی كوردستانی عێراق، كه‌ ماوه‌یه‌كه‌ هێزه‌كانی كۆماری ئیسلامی ئێران ئه‌نجامی ده‌دات و تا ئێستاش به‌رده‌وامه‌. ئه‌م بۆردومانه‌ كه‌ ناوچه‌كانی سه‌ر به‌قه‌زای چۆمان له‌پارێزگای هه‌ولێر و قه‌ڵادزێ له‌پارێزگای سلێمانی به‌قووڵایی 15 پازده‌ كیلۆمه‌تر گرتۆته‌وه‌، له‌گه‌ڵ به‌زاندنی سنووری نێوده‌وڵه‌تی به‌قووڵایی 2 دوو كیلۆمه‌تر، خۆی له‌خۆی دا هه‌رِه‌شه‌یه‌ بۆسه‌ر ئاسایشی هه‌رێم و زیادبوونی باری ناسه‌قامگیری له‌ عێراق و دروستبوونی ته‌نگژه‌ له‌ ناوچه‌كه‌ به‌گشتی.ئه‌م ته‌عه‌دایه‌ی كه‌ هیچ جۆره‌ پاساوێكی بۆ نیه‌ ژماره‌یه‌ك شه‌هید و برینداری سڤیلی لێكه‌وتۆته‌وه‌و ژماره‌یه‌كی زۆرتریش له‌ ناوچه‌كانی خۆیان ده‌ربه‌ده‌ر بوون و بۆته‌ هۆی له‌ناوچوونی كێڵگه‌ و مه‌رِ و ماڵاتیان و بارێكی پرِ له‌ترس و تۆقاندنیشی له‌نێوانیان په‌یدا كردووه‌، سه‌ره‌رِای پیسبوونی ژینگه‌ی سروشتیی ناوچه‌كه‌.ئه‌م هه‌ڵسوكه‌وته‌، به‌پێی بنه‌ماكانی یاسای نێوده‌وڵه‌تی به‌كاری دوژمنكاری ده‌ژمێردرێت و پێشێلكردنی یاسای نێوده‌وڵه‌تی مرۆیی به‌تایبه‌تی رێكه‌وتننامه‌كانی (ژنێڤ)ی ساڵی1949، هه‌روه‌ها پێشێلكردنی میساقی نه‌ته‌وه‌ یه‌كگرتوه‌كان و ده‌ستدرێژییه‌ بۆ سه‌ر سه‌روه‌ری خاكی عیراق.به‌مه‌ش پێویست ده‌كات كۆمه‌ڵگه‌ی نێوده‌وڵه‌تی به‌تایبه‌ت نه‌ته‌وه‌ یه‌كگرتوه‌كان به‌زووترین كات هه‌وڵی راگرتنی ئه‌م كاره‌ دوژمنكارییه‌ بده‌ن و هێزه‌كانی ئێران ناچار بكه‌ن پاشه‌كشه‌ بكات و قه‌ره‌بووی لێقه‌وماوان بكاته‌وه‌.ئه‌م ده‌ستدرێژییانه‌ له‌كاتێكدا ئه‌نجام ده‌درێن، كه‌ عێراق هێشتا له‌ژێر حوكمه‌كانی به‌ندی حه‌وته‌می میساقی نه‌ته‌وه‌ یه‌كگرتوه‌كان دایه‌ و ئه‌مه‌ش به‌رپرسێتیی یاسایی ده‌خاته‌ سه‌رشانی ئه‌م رێكخراوه‌ نێوده‌وڵه‌تییه‌ بۆ ئه‌وه‌ی به‌په‌له‌ كاربكات بۆ كۆتایی هێنان به‌و دۆخه‌ مه‌ترسیداره‌.داواش له‌ حكوومه‌تی عێراقی ده‌كه‌ین ( به‌تایبه‌تیش به‌رێزان سه‌رۆك كۆمار و سه‌رۆك وه‌زیران و وه‌زیری ده‌ره‌وه‌) ، كه‌ ئیدانه‌ی ئه‌م ده‌ستدرێژییه‌ بكه‌ن و ئه‌ركی به‌رپرسێتی ده‌ستووریی و یاسایی خۆیان بگرنه‌ ئه‌ستۆ بۆ به‌رگرییكردن له‌سنووری عێراقی فیدراڵ و پاراستنی هاوڵاتیان و سه‌روه‌ت و سامانیان و كاركردن بۆ په‌یرِه‌وكردنی هه‌موو فشارێكی دیپلۆماسیی چرِ و به‌رده‌وام له‌سه‌ر حكوومه‌تی ئێران بۆ وه‌ستاندنی كرده‌وه‌ دوژمنكارییه‌كانی و به‌ستنی كۆبوونه‌وه‌یه‌كی به‌په‌له‌ی ئه‌نجوومه‌نی ئاسایشی نیشتمانیی عیراق بۆ خستنه‌رِووی ئه‌و بابه‌ته‌ و وه‌رگرتنی ئیجرائاتی پێویست بۆ كۆتایی هێنان به‌م ته‌عه‌دایانه‌.هه‌روه‌ها داوا له‌ وه‌زاره‌تی ده‌ره‌وه‌ی عێراق ده‌كه‌ین به‌ په‌له‌ به‌و ئاراسته‌یه‌ كار بكات كه‌ به‌فه‌رمیی داوا له‌ده‌سه‌ڵاته‌كانی ئێران بكات، كۆتایی به‌و ته‌عه‌دایه‌ بێنێ و له‌ زه‌ره‌ر و زیانی كاره‌كانیان و ئاكامه‌كانی ئاگاداریان بكه‌نه‌وه‌. له‌هه‌مان كاتدا، داوا له‌ حكوومه‌تی هه‌رێمی كوردستان – عێراق ده‌كه‌ین كه‌ هه‌موو هه‌وڵه‌كانی بخاته‌ گه‌رِ و به‌هه‌ماهه‌نگی له‌گه‌ڵ حكومه‌تی عێراق كار بكات بۆ كۆتاییهێنان به‌م كرده‌وه‌ دوژمنكارییانه‌ و به‌هاناوه‌ هاتنی به‌په‌له‌ی لێقه‌وماوان. داواش له‌حكوومه‌تی ئێران ده‌كه‌ین، ئه‌م ته‌عه‌دایانه‌ رابگرێت، چونكه‌ له‌ به‌رژه‌وه‌ندی پێكه‌وه‌ژیانی ئاشتییانه‌ی هه‌ردوولا نییه‌ و ده‌بنه‌ هۆی زیان گه‌یاندن به‌ په‌یوه‌ندییه‌كانی نێوان هه‌ردوو گه‌ل و وڵاتله‌كۆتایشدا داوا له‌ هه‌موو لایه‌ك ده‌كه‌ین پشتیوانی گه‌لی كوردستان بكه‌ن، بۆ كۆتاییهێنان به‌م تراجیدیایه‌ی كه‌ خه‌ڵكی سڤیلی بێتاوان ده‌بنه‌ قوربانی.

&&&&&&&&&&&&&&&&&&&&&&&&&&&&&&&&&&

رانیه‌: له‌ روداوێكی هاتوچۆدا 5 هاوڵاتی‌ گیانیان له‌ ده‌ستدا و 6 كه‌سی‌ دیكه‌ش به‌ سه‌ختی برینداربون

به‌هۆی‌ پێكدادانی دو ئۆتۆمبێله‌وه‌ له‌سه‌ر رێگای‌ رانیه‌- ده‌ربه‌ند 5 هاوڵاتی گیانیان له‌ ده‌ستده‌داو 6 ی‌ تریش به‌ سه‌ختی برینداربون.
ئۆتۆمبێله‌كان له‌ جۆری‌ ئۆپڵ و هۆندای‌ بون و راسته‌وخۆ له‌ كاتی‌ پێكدادانه‌كه‌دا سوتاون. ئه‌و كه‌سانه‌ش كه‌ گیانیان له‌ ده‌ستداوه‌، دو ژن و منداڵێك و دو كوڕی‌ ته‌مه‌ن سه‌رو 20 ساڵ بون، هاوكات سه‌رجه‌م برینداره‌كانیش، به‌ هۆی‌ سه‌ختی برینه‌كه‌یانه‌وه‌ ره‌وانه‌ی‌ نه‌خۆشخانه‌ی‌ فریاكه‌وتنی‌ سلێمانی‌ كراون.به‌هۆی‌ خراپی رێگاو بانه‌كان و سه‌رپێچی هاوڵاتیان له‌ رێنماییه‌كانی‌ هاتوچۆ، كاره‌ساتی‌ ئۆتۆمبێل له‌ هه‌رێمی‌ كوردستاندا رۆژانه‌ چه‌نده‌ها حاڵه‌تی مردن و برینداركردنی سه‌ختی لێده‌كه‌وێته‌وه‌، سه‌ره‌ڕای ئه‌وه‌ش به‌رده‌وام قوربانیان رو له‌ زیادبون ده‌كه‌ن، به‌ڵام تا ئێستا حكومه‌تی هه‌رێمی‌ كوردستان رێو شوێنی چاره‌سه‌ركردنی ئه‌و گرفته‌ی‌ روداوه‌كانی‌ نه‌گرتوه‌ته‌به‌ر.

&&&&&&&&&&&&&&&&&&&&&&&&&&&&&&&&&&

بان كیمۆن داوا له‌ عێراق و كوێت ده‌كات كێشه‌كانیان یه‌كلایی بكه‌نه‌وه‌

- (بان كیمۆن)ی ئه‌مینداری گشتی نه‌ته‌وه‌ یه‌كگرتووه‌كان، داوا له‌ عێراق و كوێت ده‌كات مه‌سه‌له‌ هه‌ڵپه‌سێردراوه‌كانی نێوانیان یه‌كلایی بكه‌نه‌وه‌. بان كیمۆن ئه‌مینداری گشتی نه‌ته‌وه‌ یه‌كگرتووه‌كان داوای له‌ عێراق و كوێت كردووه‌ به‌رده‌وام به‌ گیانێكی متمانه‌ و هاوكاری كاربكه‌ن و هه‌موو كێشه‌كانی نێوانیان چاره‌سه‌ر بكه‌ن هاوكات ئه‌میندار گشتی نه‌ته‌وه‌ یه‌كگرتووه‌كانی پێشنیازیشی كرد، ئه‌نجومه‌نی ئاسایشی نێوده‌وڵه‌تی كاری "گینادی تاراسوڤ)ی ڕێكخه‌ری باڵای نه‌ته‌وه‌یه‌كگرتووه‌كان بۆ سه‌رپه‌شتی كردنی دۆسیه‌ی شوێن بزربووه‌ كوێتییه‌كان و موڵك و ماڵی هاوڵاتیانی كوێتی تاوه‌كو مانگی كانوونی یه‌كه‌می ئه‌م ساڵ درێژ بكاته‌وه‌.

&&&&&&&&&&&&&&&&&&&&&&&&&&&&&&&&&&

له‌په‌یامنێرێكی‌ ئاژانسی ڕۆیته‌رز ده‌درێت

له‌ئاسایشی سه‌رشه‌قام له‌ په‌یامنێرێكی‌ ئاژانسی ڕۆیته‌رز ده‌درێت‌و دواتریش به‌جنێو ده‌كرێته‌ ده‌ره‌وه‌.شێركۆ ساڵه‌یی په‌یامنێری ئاژانسی رۆیته‌رزی‌ به‌ریتانی‌ له‌ كوردستان به‌سایتی‌ هاولاَتی‌ وت" بۆ مه‌به‌ستی‌ دامه‌زراندن ڕووم له‌ئاسایشی سه‌رشه‌قام كرد، به‌لاَم پێیان وتم مامه‌ڵه‌كه‌ت 15ڕۆژی‌ پێده‌چێت منیش هه‌رئه‌وه‌نده‌ وتم بۆچی ئه‌وه‌نده‌ی‌ پێده‌چێت له‌لایه‌ن مفه‌وه‌زێكه‌وه‌ لێم دراو دواتریش به‌شێوه‌یه‌كی‌ ناشیرن مامه‌ڵه‌م له‌گه‌ڵدا كرا".ئه‌و په‌یامنێره‌ی‌ ڕۆیته‌رز له‌ كوردستان ئاماژه‌ی‌ به‌وه‌كرد مفه‌وه‌زه‌كه‌ پێی وتووه‌ به‌هۆی كۆنگره‌ی‌ یه‌كێتییه‌وه‌ مامه‌ڵه‌كه‌ی‌ ئه‌م دواده‌كه‌وێت، ئه‌ویش وتویه‌تی‌ كۆنگره‌ی‌ یه‌كێتی‌ بۆچی مامه‌ڵه‌ی‌ من به‌و شێوه‌یه‌ دواده‌خات، ئیتر به‌و هۆیه‌وه‌ مفه‌وه‌زه‌كه‌ی‌ ئاسایشی سه‌رشه‌قام به‌به‌رچاوی‌ خه‌ڵك‌و ئاسایشه‌كانی‌ تره‌وه‌ هێرشی‌ ده‌كاته‌سه‌ر‌و لێده‌دات.شێركۆ ئه‌وه‌ی‌ خسته‌ڕوو كه‌ قادر حه‌مه‌جان به‌ڕێوه‌به‌ری‌ ئاسایشی‌ گشتی‌ به‌ڵێنی‌ ئه‌وه‌ی‌ پێداوه‌ كه‌ هه‌موو ئیجرائاتێك له‌گه‌ڵ ئه‌و مفه‌وه‌زه‌دا بگرێته‌به‌ر.
سه‌رچاوه‌یه‌ك له‌ئاسایشی سه‌رشه‌قام به‌هاولاَتی‌ وت" شتێكی‌ وانه‌بووه‌ بكه‌ به‌شێوه‌ی‌ لێدان بێت، وه‌ ئێستاش ئیجرائاتی‌ پێویست له‌گه‌ڵ ئه‌و مفه‌وه‌زه‌دا گیراوه‌ته‌به‌ر".شێركۆ ساڵه‌یی كه‌ ئێستا ئاسه‌واری‌ لێدانه‌كه‌ی‌ پێوه‌دیاره‌ داواكاره‌ له‌هه‌موو كارمه‌ندێكی‌ حكومی‌ به‌تایبه‌تی‌ كارمه‌ندانی‌ ده‌زگاكانی‌ ئاسایش كه‌ به‌شێوه‌یه‌كی‌ به‌رپرسیارانه‌ مامه‌ڵه‌ له‌گه‌ڵ هاولاَتیاندا بكه‌ن.هاولاَتی‌ په‌یوه‌ندی‌ به‌قادر حه‌مه‌جان به‌ڕێوه‌به‌ری‌ ئاسایشی گشتی‌ یه‌وه‌ كرد، به‌لاَم په‌یوه‌ندیه‌كه‌ی‌ به‌ر ده‌ست نه‌كه‌وت.شێركۆ یه‌كێكه‌ له‌و ڕۆژنامه‌نوسه‌ كوردانه‌ی‌ كه‌ له‌زۆربه‌ی‌ ده‌زگا ڕاگه‌یاندنه‌كانی‌ ناوخۆ‌و جیهاندا كارده‌كات‌و كه‌سێكی‌ ناسراویشه‌ له‌سه‌ر ئاستی‌ عێراق.

&&&&&&&&&&&&&&&&&&&&&&&&&&&&&&&&&&

مه‌ریوان نه‌قشبه‌ندی: عێراق وه‌كو وڵاتێكی ده‌وڵه‌مه‌ند خه‌مڵێنراوه‌ و به‌رزكردنه‌وه‌ی خه‌رجییه‌كان بۆ 6 ملیۆن دینار، جۆرێكه‌ له‌ بازرگانیكردن به‌ حه‌جه‌وه‌

ئه‌مڕۆ (هه‌ینی) وه‌زاره‌تی ئه‌وقاف و كاروباری ئاینی هه‌رێمی كوردستان، ره‌تیكرده‌وه‌ به‌و بڕیاره‌ی حكومه‌تی سعودیه‌ ره‌زامه‌ندبێت كه‌ تیایدا وڵاتی عێراق وه‌كو یه‌كێك له‌ وڵاته‌ ده‌وڵه‌مه‌نده‌كان ئه‌ژمارده‌كات و خه‌رجیه‌كانی حه‌جكردنی هه‌ر حاجیه‌كی ماڵی خوای به‌رزكردوه‌ته‌وه‌ بۆ (6) ملیۆن دینار (بۆ ئه‌و كه‌سانه‌ی له‌ سه‌رو پشكی حه‌جكردنی وڵاته‌وه‌ فه‌ریزه‌ی حه‌ج به‌جێ ده‌هێنن).
مه‌ریوان نه‌قشبه‌ندی‌، وته‌بێژی‌ وه‌زاره‌تی‌ ئه‌وقاق و كاروباری‌ ئاینی را‌یگه‌یاند: حكومه‌تی‌ سعودیه‌ ساڵانه‌ بۆ ئه‌و وڵاته‌ ئیسلامیانه‌ی‌ كه‌ باری‌ مادیان باشه‌ و ده‌یانه‌وه‌ی‌ خه‌ڵكێكی‌ زیاتر له‌ هه‌گبه‌ی‌ خۆیاندا بنێرن بۆ سه‌فه‌ری‌ حه‌جی ماڵی خودا له‌و وڵاته‌، بڕێك پاره‌ زیاتریان لێ وه‌رده‌گرن، له‌ناویاندا وڵاتی‌ عیراقیش ئه‌ژماركراوه‌ به‌ یه‌كێك له‌و وڵاتانه‌ی‌ كه‌ باری‌ مادییان باشه‌، بۆیه‌ 1000 هه‌زار كه‌سیان بۆ داناوه‌ كه‌ له‌ ده‌ره‌وه‌ی‌ پشكی‌ خۆیان سه‌فه‌ربكه‌ن به‌بڕی‌ 6 ملیۆن دینار.مه‌ریوان ئاماژه‌ی به‌وه‌شكرد كه‌ له‌ لیستی ئه‌و 1000 كه‌سه‌ی ناوه‌كانیان نێردراوه‌ بۆ سعودیه‌، به‌نوسراوێك ناوی‌ 200 كه‌س ره‌وانه‌ی‌ وه‌زاره‌تی‌ ئه‌وقافی‌ هه‌رێمی‌ كوردستانی‌ كراوه‌ته‌وه‌ و رایده‌گه‌یه‌نێت كه‌ ئه‌م كه‌سانه‌ ده‌توانن به‌ 6 ملیۆن دینار سه‌فه‌ربكه‌ن.وته‌بێژی وه‌زاره‌تی ئه‌وقاف و كاروباری ئاینی وتیشی‌ : "دوای‌ هه‌فته‌یه‌ك له‌ لێكۆڵینه‌وه‌ بۆمان ده‌ركه‌وت له‌ روانگه‌ی‌ شه‌رعی‌ و له‌ روی‌ ئیداریه‌وه‌، رێگه‌ پێدراونیه‌ و جۆرێكیشه‌ له‌ بازرگانی‌ كردن به‌حه‌جه‌وه‌، ئه‌گه‌ر به‌و بڕه‌ زۆره‌ی پاره‌ سه‌فه‌ری حه‌ج بكرێت".راشیگه‌یاند: ئێمه‌ پێمان قبوڵ ناكرێت و نابێت له‌ روی‌ ئاینیشه‌وه‌ جیاوازی‌ له‌ نێوان هه‌ژار و ده‌وڵه‌مه‌ندا بكرێت، هه‌ر بۆیه‌ به‌ نوسراویش ئه‌م بڕیاره‌مان گه‌ڕانده‌وه‌ بۆ حكومه‌تی‌ عیراق و پێمان راگه‌یاندن كه‌ ئێمه‌ ئه‌م شێوازی‌ حه‌جكردنه‌ قبوڵ ناكه‌ین.

&&&&&&&&&&&&&&&&&&&&&&&&&&&&&&&&&&

هه‌ردوو ئیئتیلافه‌ شیعه‌كه‌ له‌ ژێر ناوی "هاوپه‌یمانی نیشتیمانی" یه‌كیان گرت

هاوپه‌یمانی هه‌ردوو ئیئیتلافی نیشتیمانی و ده‌وڵه‌تی یاسا، له‌ ژێر ناوی "هاوپه‌یمانی نیشتیمانی" ده‌بێت.
عه‌لی ئه‌دیب سه‌ركرده‌ له‌ ئیئیتیلافی نیشتیمانی عێراقی ڕایگه‌یاند؛ له‌ كۆبوونه‌وه‌كه‌ی ئێواره‌ی دوێنێدا، بڕیار درا له‌ ژێر ناوی (هاوپه‌یمانی نیشتیمانی) هه‌ردوو ئیئیتلافه‌كه‌( ده‌وڵه‌تی یاسا و ئیئیتلافی نیشیتمانی) یه‌كبگرن و تێكه‌ڵ بكرێن.ناوبراو زیاتر ڕوونیكرده‌وه‌، به‌گوێره‌ی ئه‌و به‌ڵگه‌نامه‌ی له‌سه‌ری ڕێككه‌وتووین، به‌ هه‌موو لایه‌ك ڕاده‌گه‌یه‌نین له‌وانه‌ش ئه‌نجومه‌نی نوێنه‌ران و دادگای فیدراڵی كه‌ئه‌و هاوپه‌یمانییه‌ به‌ شێوه‌یه‌كی فه‌رمی به‌ ناوی (هاوپه‌یمانی نیشتیمانی) كار ده‌كات.گوتیشی: ئێستا به‌ گوێره‌ی ماده‌ی 76ی ده‌ستوور، ئه‌و هاوپه‌یمانییه‌ ده‌بێته‌ گه‌وره‌ترین كوتله‌ی په‌رله‌مانی و به‌و پێیه‌ مافی پێكهێنانی حكومه‌تی هه‌یه‌.

&&&&&&&&&&&&&&&&&&&&&&&&&&&&&&&&&&

؛ ئاوێنه‌ ، سبه‌ی.هاولاتی